У Расеі чатыры разы асуджаны ўдзельнік вайны ва Украіне забіў да смерці ветэрана Чачні

Злачынцу не сталі затрымліваць.

У Чабаркуле (Чэлябінская вобласць Расеі) мясцовы жыхар Іван Кумаў, які вярнуўся з Украіны, збіў ветэрана вайны ў Чачні Аляксея Худзякова. Ад атрыманых траўмаў мужчына памёр у лякарні, паведамляе Ura.ru.

Напад адбыўся ў канцы красавіка 2024 года. Кумава пасля смерці пацярпелага не сталі затрымліваць, нягледзячы на тое, што паліцыя зафіксавала факт збіцця. Пазней справу накіравалі ў ваенную следчую ўправу Чабаркульскага гарнізона.

– Мясцовыя яго бачаць у горадзе, да яго прыходзяць сябры, – расказала Ura.ru ўдава Худзякова.

39-гадовага Івана Кумава раней судзілі паводле чатырох крымінальных справаў, высветліла «Сірэна», вывучыўшы звесткі чалябінскіх судоў. Ён змушаўся да адказнасці за разбой, гвалт да супрацоўніка Федэральнай сістэмы выканання пакаранняў, прычыненне цялесных пашкоджанняў і згон.

Апошні раз яго судзілі ў жніўні 2020 года. Кумава асудзілі амаль да трох гадоў строгага рэжыму. Ці адбыў ён поўны тэрмін, ці вызваліўся, завербаваўшыся на вайну ва Украіне, – невядома.