Танк УСУ разбіў калону бранятэхнікі РФ пад Ураджайным

Штурм быў спынены адным стрэлам.

У раёне вёскі Ураджайнае Данецкай вобласці байцы 58-й брыгады УСУ адным стрэлам з танка спынілі варожы штурм. На пазіцыі УСУ набліжаліся тры адзінкі браняванай тэхнікі ворага.

Відэа бою выклалі ў тэлеграм-канале 58-й асобнай мотапяхотнай брыгады УСУ імя гетмана Івана Выгоўскага.

На абнародаваных кадрах відаць, як у кірунку пазіцый Сілаў абароны набліжаецца калона варожай тэхнікі. Яе заўважылі ўкраінскія абаронцы і бронекалону ўжо сустракае ўкраінскі танк.

Танкісты дакладным стрэлам – прамым трапляннем улучылі ў танк у галаве калоны. Пасля гэтага акупанты раздумаліся наступаць, а дзве БМП ззаду расейскага танка пачалі ўцякаць.

«Наш танчык адважна сустрэў 3 варожыя адзінкі тэхнікі ў выглядзе 1 танка і 2 БМП з пяхотай. Пасля знішчэння на атамы варожага танка, які ішоў першым, іншыя 2 БМП падаліся на ўцёкі», – расказалі пра бой байцы брыгады.