Феерычнае «маланкавае шоў» у Менскай вобласці знялі на відэа

Энтузіясты надумалі перахапіць навальнічную суперкаморку.

Youtube-канал "Паляўнічыя на штормы" апублікаваў відэаролік, у якім паказана "феерычнае маланкавае шоў" ў некалькіх раёнах Менскай вобласці. На кадрах паказаны электраактыўныя навальніцы, з яркімі маланкамі і градам, якія абрынуліся на Беларусь у пачатку красавіка 2024 года.

Ролік здымала цэлая каманда "паляўнічых на штормы", якія выехалі на сустрэчу шторму 2 красавіка 2024 года, калі "глыбокі атлантычны цыклон патроіў вынас па-сапраўднаму летняй, гарачай, умерана вільготнай трапічнай паветранай масы".

“Вынас быў настолькі магутны, што захапіў вялікую колькасць пяску і пылу з Сахары. Як вядома, гэта часам значна павялічвае маланкавую актыўнасць», - растлумачылі аўтары роліка.

Кіруючыся спадарожнікавымі звесткамі, энтузіясты вырашылі перахапіць суперкаморку, якая ўтварылася ля Менска і паступова рухалася на поўнач. Здымкі стартавалі ў Лагойскім раёне, а далей «шторм-чэйсеры» імкнуліся ісці за эпіцэнтрам навальніцы, здымаючы фантастычныя разрады маланак з розных ракурсаў і нават трапіўшы пад самы сапраўдны красавіцкі град.

"Гэты магутны навальнічны шторм падарыў нашай камандзе сапраўднае маланкавае шоў", - заявілі энтузіясты і паказалі вынік сваёй пагоні.