У Пінску пратэставалі супраць расейскай авіябазы
31- 22.05.2013, 15:06
Транспарант з заклікам адмовіцца ад размяшчэння ў Беларусі новай ваеннай базы Расеі вывесілі ў Пінску.
Ён быў замацаваны на агароджы гарадскога парку культуры і адпачынку. На транспаранце быў лозунг «Не - расейскім авіябазам».
Нагадаем, пра стварэнне новай ваеннай базы на тэрыторыі Беларусі стала вядома 23 красавіка. Пра гэта заявіў міністр абароны Расеі Сяргей Шайгу на сустрэчы з Лукашэнкам.
«Мы пачынаем разглядаць план па стварэнні тут расейскай авіяцыйнай базы з самалётамі-знішчальнікамі, спадзяемся, што ў 2015 годзе тут з'явіцца авіяцыйны полк. У 2013 годзе мы створым авіяцыйную камендатуру тут і паставім першае дзяжурнае звяно баявых знішчальнікаў», - адзначыў кіраўнік ваеннага ведамства Расеі.
