Менчукам пачалі прыходзіць падвышаныя рахункі за ваду

У верасні некаторыя жыхары сталіцы плацілі за ваду паводле падвышаных тарыфаў.

З аналагічнай праблемай у рэдакцыю звярнулася некалькі менчукоў: у верасні людзі атрымалі падвышаныя рахункі за ваду. Як высветлілася, у жніўні ў іх адключалі гарачую ваду ў сувязі з прафілактычнымі працамі. Нарматыў спажывання (140 літраў на чалавека) не быў перавышаны, аднак частка кубаметраў чамусьці палічылі паводле падвышанага тарыфу, які забяспечвае поўнае пакрыццё эканамічна абгрунтаваных выдаткаў. І вось у адзіным РДЦ Менска прызналі: адбылася памылка.

«На час адключэння гарачай вады кімсьці вельмі разумным была прынятая пастанова, што раз гарачую ваду адключылі, то і норма спажывання вады на чалавека павінна быць у гэтыя дні зніжаная ўдвая, не 140 літраў на дзень на чалавека, а 70 , - піша Алег, чытач Onliner.by. - Стала быць, пры перавыдатку аплата ідзе паводле падвышанага тарыфу. Гэта значыць тыя, у каго адключылі гарачую ваду на 2 тыдні, мала таго, што атрымліваюць нязручнасці праз яе адсутнасць, грэюць гэтую ваду за кошт дадатковага спажывання газу ці электрычнасці, дык яшчэ і па нейкай дзіцячай логіцы павінны спажываць вады ўдвая менш».

Патэлефанаваўшы ў разлікова-даведачны цэнтр, Алег так і не змог даведацца, на падставе якіх нарматыўных дакументаў праводзіліся разлікі.

«5 рублёў не шкада, але гэта з аднае кватэры! А колькі з дома, з раёна?»- задае справядлівым пытаннем чытач.

Як піша агенцтва «Минск-Новости», у паведамленнях аб аплаце ЖКП за верасень будзе зроблены пераразлік за ваду.

- У разлікова-даведачныя цэнтры паступалі такія звароты. Такім уласнікам і наймальнікам кватэр налічэнні за спажытую ў жніўні ваду з тэхнічных прычын зроблены памылкова і будуць пералічаныя, - пракаментавала начальніца ўпраўлення па ўліку, разліку і налічэнні платы за жыллёва-камунальныя паслугі філіяла «Адзіны разлікова-даведачны цэнтр г. Менска» Наталля Чарнуха.