Барацьба за «золата» ў чэмпіянаце Беларусі напальваецца

Дысцыплінарны камітэт БФФ прысудзіў БАТЭ тэхнічную паразу ў матчы са «Слуцкам».

Дысцыплінарны камітэта АБФФ прысудзіў БАТЭ тэхнічную паразу (0: 3) у матчы са «Слуцкам» за неправамерную заяўку на гульню запаснога брамніка Сяргея Верамко, паведамляе «Прессбол».

Менскае «Дынама» і «Слуцк» звярнуліся ў БФФ з просьбай даць прававую ацэнку сітуацыі вакол заяўкі брамніка БАТЭ Сяргея Верамко на матч 23-га тура чэмпіянату Беларусі са «Слуцкам» (6:0).

Нагадаем, што 6 жніўня ў канцы гульні «Менск» - БАТЭ галкіпер барысаўчан прымяніў фізічную сілу да Віталя Севасцьяніка. Верамко быў дыскваліфікаваны на пяць матчаў і аштрафаваны на 50 базавых велічынь (1150 рублёў). 5 матчаў скончыліся перад паядынкам 23-га тура БАТЭ - «Слуцк» (23 верасня), і Верамко быў унесены ў яго пратакол. Аднак, згодна з рэгламентам «калі часовая дыскваліфікацыя суправаджаецца адначасовым накладаннем штрафу, то тэрмін яе дзеяння аўтаматычна працягваецца да таго часу, пакуль не будзе выплачаны штраф» (Артыкул 20, пункт 3 Дысцыплінарнага кодэкса АБФФ).

Як паведамляла фінансавы дырэктар БФФ Алена Петухова, грошы на разліковы рахунак прыйшлі 27 верасня.