Дзе збіраюцца сталічныя модніцы і што такое «Фэшн кава»
6- 16.10.2017, 15:43
- 18,909
Тэматычныя вячоркі бясплатныя, але ўсе ўдзельніцы павінны прытрымлівацца строгага дрэс-кода.
Раз на некалькі месяцаў самыя модныя дзяўчаты Менска збіраюцца на «Прэ-а-партал фэшн каву». Тэматычныя вячоркі бясплатныя, але ўсе ўдзельніцы павінны прытрымлівацца строгага дрэс-кода, прычым кожны раз новага, піша nn.by.
Арганізатары загадзя паведамляюць, які ўбор патрэбны на наступную сустрэчу. Дрэс-код можа вызначацца нейкім актуальным колерам сезону або наогул цэлай тэмай накшталт «сняданак у Ціфані», «фэмілі лук» або «ўрок геаметрыі».
Падчас мерапрыемства ягоныя спонсары і самі ўдзельніцы галасуюць за самы цікавы вобраз. У падарунак можна атрымаць як дарагую сумку з моднага буціка, так і букет кветак ад студыі фларыстыкі або які-небудзь аксесуар ад менскіх дызайнераў.
Тут выступаюць з лекцыямі стылісты, іміджмейкеры і цікавыя персоны з менскай тусоўкі моднікаў.
У мінулую нядзелю на сустрэчу ўдзельніцы павінны былі прыйсці ў гаме грэнадын.
Не думайце, што для ўдзелу трэба мець дарагія модныя ўборы - магчыма, на наступнай сустрэчы - у стылі рок-н-рол - журы абярэ пацёртую скураную куртку. Галоўнае - сабраць са звычайных рэчаў незвычайны вобраз.