Замежная дзяржаўная запазычанасць з пачатку года вырасла на $2,7 мільярда

На 1 кастрычніка 2017 года замежная дзяржаўная запазычанасць склала $16,3 мільярда.

Дзяржаўная завінавачанасць Беларусі на 1 кастрычніка 2017 года склала 41,4 млрд рублёў і павялічыўся ў параўнанні з пачаткам 2017 года на 4,4 млрд рублёў або на 12,0%. Пра гэта паведамляе Міністэрства фінансаў.

Замежная дзяржаўная завінавачанасць паводле стану на 1 кастрычніка 2017 года склала 16,3 млрд даляраў ЗША, павялічыўшыся з пачатку года на 2,7 млрд даляраў ЗША або на 19,5% з улікам курсавых розніц.

У студзені-верасні дзяржава прыцягнула замежныя пазыкі на 3,41 млрд даляраў. Асноўная сума, 1,4 млрд даляраў, - гэта сродкі ад размяшчэння еўрааблігацый.

На выплату замежных дзяржаўных завінавачанасцяў Беларусь за дзевяць месяцаў накіравала 821,1 млн даляраў (ураду РФ - 289,3 млн даляраў, банкам Кітая - 221,3 млн, ЕФСР - 264,8 млн даляраў, МБРР - 44,5 млн, ЗША - 0,7 млн, ЕБРР - за 0,5 млн).

Выплата замежнай дзяржаўнай завінавачанасці з пачатку 2017 года склала 821,1 млн даляраў ЗША.

Ужо вядома, што і ў наступным годзе для выплаты замежнай завінавачанасці Беларусі спатрэбяцца новыя пазыкі. Замежныя абавязанні ў валюце ў 2018 годзе складуць 2,5 млрд даляраў, блізу 1,7 млрд даляраў плануецца рэфінансаваць за кошт новых пазык. Гаворка ідзе пра новыя размяшчэнні еўрабондаў.