Курс біткоіна ўпершыню перавысіў $15 тысяч

За дзень курс біткоіна вырас больш чым на 18%.

Курс біткоіна ў чацвер дасягнуў чарговага псіхалагічнага ўзроўню $15 тысяч. На 11.30 паводле менскага часу курс біткоіна, паводле звестак Сoinmarketcap.com, склаў $15,06 тысяч. Папярэднюю круглую адзнаку $14 тысяч біткоін пераадолеў уначы, а вяршыні, $13, тысяч ён дасягнуў напярэдадні. За дзень курс біткоіна вырас больш чым на 18%. Яго рынкавая капіталізацыя дасягнула $252 млрд пры капіталізацыі ўсяго рынку крыптавалют $404 млрд, піша РБК.

Экспэрты звязваюць рост біткоіна з некалькімі фактарамі, у першую чаргу з чаканнямі запуску ф'ючэрсаў на біткоін на некалькіх біржах. Як паведамлялася, чыкагскі аператар CBOE Global Markets плануе запусціць таргі ф'ючэрсам на біткоін 10 снежня. Праз тыдзень гэта плануе зрабіць найбуйнейшая дэрыватыўная пляцоўка CME.

«Гульцы крыптарынку, як і інвестары, усхваляваныя гэтымі падзеямі. Адпаведна, курс асноўнай крыптавалюты расце», - кажа сузаснавальнік і партнёр The Token Fund і Tokenbox Уладзімір Смеркіс.

«Перш за ўсё рост звязаны з чаканнем запуску ф'ючэрсаў. Да CME і CBOE можа далучыцца яшчэ і Такійская біржа. Пакуль рост курсу біткоіна завязаны ў першую чаргу на гэта», - адзначае рэдактар партала Happy Coin Club Валерый Смаль.

Днямі прадстаўнікі Такійскай фінансавай біржы (Tokyo Financial Exchange) заяўлялі, што пляцоўка плануе стварыць рабочую групу для вывучэння крыптавалют і зробіць першы крок да магчымага запуску ф'ючэрсаў на біткоін, паведамляў Bloomberg. Пры гэтым для запуску такога інструмента спатрэбяцца змены ў нацыянальным заканадаўстве. «Грамадзяне чытаюць навіны па дыяганалі, і ніхто не ўнікаў, што заканадаўства не прынятае і што на гэта патрэбны час, але гэтыя навіны служаць каталізатарам росту», - адзначае Смаль.

Іншым фактарам росту з'яўляецца ажыятаж вакол крыптавалют сярод шырокіх слаёў насельніцтва. «Разагравае рынак таксама тое, што практычна з усякага праса можна пачуць пра біткоін. Мне ў асабістую тэчку прыходзяць паведамленні, людзі пытаюцца, як можна купіць некалькі тысяч біткоінаў. Ёсць агульны ажыятаж, прычым большасць будучых інвестараў, на жаль, нават не разумеюць, навошта гэта ім і для чаго», - кажа экспэрт.

Далейшы лёс біткоіна будзе залежаць у тым ліку ад таго, як павядуць сябе ф'ючэрсы на яго, адзначае Смаль. «Некаторыя мяркуюць, што запуск ф'ючэрсаў можа прывесці да зніжэння валацільнасці і карэкцыі біткоіна, таму што хедж-фонды і ф'ючэрсы - хутчэй інструменты песімістаў, якія гатовыя гандляваць на зніжэнне коштаў. Пры гэтым агульная тэндэнцыя разгойдваецца ўверх. Пакуль цяжка гадаць», - кажа ён.