У Кеніі не сціхаюць пратэсты супраць вынікаў прэзідэнцкіх выбараў

На заклік апазіцыі на вуліцы вялікіх гарадоў Кеніі выйшлі тысячы людзей.

Паводле звестак выбарчай камісіі, дзейны прэзідэнт Кеніі Ухуру Кеніята перамог на ўсеагульных выбарах, набраўшы 54,27% галасоў. Ягоны спаборнік, былы прэм'ер-міністр краіны Раіла Адынга, набраў 44,74% галасоў. Такім чынам, дзейны прэзідэнт быў пераабраны на другі пяцігадовы тэрмін. Кенійская апазіцыя не прызнае вынікі выбараў.

Пратэсты пачаліся ў кенійскай сталіцы Найробі і горадзе Кісуму пасля абвяшчэння вынікаў прэзідэнцкіх выбараў, паведамляе rian.com.ua. Апазіцыя заявіла пра фальсіфікацыю, і на яе заклік на вуліцы вялікіх местаў Кеніі выйшлі тысячы людзей. Яны кідаюць фаеры і кактэйлі Молатава, піша Reuters.