Тры дзіўныя менскія кватэры, выстаўленыя на продаж

Самая танная каштуе 27 тысяч даляраў.

На сайце realt.by журналісты kp.by выбралі тры кватэры, якія іх уразілі.

Самая танная: шпалеры ў апельсіны і вокны, як з савецкіх фільмаў-казак

ТТХ: 1-ы паверх з 1. Агульная плошча – 25,7 м² (жылая – 15,7 м²). Раён: вул. Караля, недалёка ад Нямігі.

Кошт 54 508 рублёў (27 тысяч даляраў).

Строга кажучы, гэта не кватэра ў традыцыйным разуменні, а палова дома ў прыватным сектары. Затое адносна нядорага.

- Кватэра ў зблакаваным доме, ацяпленне пячное, - апісвае жыллё гаспадыня. - Палы - лінолеум, газ - балон.

Узрост асобнай прыбудовы - 25 гадоў. Прыкладаецца пляц 5 сотак.

Самая незвычайная: сцены ў графіці і чорныя драўляныя падлогі

ТТХ: 1-ы паверх з 9. 3 пакоі. Агульная плошча - 67,46 м ² (жылая - 41,85 м ²). Раён: вул. Аэрадромнай, Магілёўскай, Варанянскага, недалёка ад «Інстытута культуры».

Кошт 161 302 рублёў (79 900 даляраў).

Цяжка ўявіць, што пад сумным апісаннем «Прасторная трохпакаёвая кватэра ў пяці хвілінах хады ад станцыі метро «Інстытут культуры» хаваецца сапраўдны музей сучаснага мастацтва. Але так і ёсць, самі паглядзіце:

У іншым пакоі - тэхнічна выкананы партрэт Мэрылін Мэнсан. На падлозе - мандала. Рай для 20-гадовага бунтаўніка!

Да ваннай рукі пакуль не дайшлі - там усё спакойна, у светлых танах (хоць, магчыма, гэта адсылка да творчасці Пікасо - пераход ад блакітнага да ружовага перыяду).

- Кватэра з вялікай двайной лоджыяй. Вада ў доме экалагічна чыстая, смачная - з артэзіянскай свідравіны (без хлору). Яшчэ адзін плюс - прастор для фантазіі дызайнера або самога ўладальніка!

Гэта ўжо сапраўды:

Яшчэ адна спальня таксама добрая:

- Рамонт частковы, вы зможаце ўнесці ў дызайн уласныя карэктывы і зрабіць гэтую кватэру максімальна зручнай для сябе, - падсумоўвае аўтар.

Спадзяемся, што заедзе хто-небудзь яшчэ больш крэатыўны і дамалюе на другой сцяне, напрыклад, Лэдзі Гагу.

Самая дарагая: двухузроўневая з процьмай тэхнікі

ТТХ: 6-ы паверх з 6. 6 пакояў. Агульная плошча - 255,4 м² (жылая - 104 м²). Раён: Партызанскі, Сляпянка.

Кошт: 1,62 мільёна рублёў (802 400 даляраў)

А цяпер - раскоша! Давайце паглядзім, як выглядае кватэра амаль за мільён даляраў.

Знаходзіцца яна недалёка ад Нацыянальнай бібліятэкі.

план:

інтэр'еры:

- Абсталяваная пасткамі для гуку. На кухні італійская кухня, бясшумная посудамыйная машына, самая вялікая індукцыйная варачная панэль, выцяжка і маразільнік. Асобна ўбудаваныя мікрахвалевая печ, шафа для падагрэву посуду і духавая шафа.

А ў вас дзе стаіць шафа для падагрэву посуду?

- Убудаваны электракамін на пульце кіравання з Ірландыі. Акультураны дубовай стальніцай і дэкаратыўнай цэглай.

Ва ўсёй кватэры працуюць італійскія кандыцыянеры.