Беларус ехаў са Слуцка ў Менск паводле навігатара і рэзнуўся ў груд пяску

Самаход атрымала сур'ёзныя пашкоджанні, сам кіроўца не пацярпеў.

У мінулую пятніцу, 5 студзеня, жыхар Маладзечна К. на мікрааўтобусе выехаў на ніяк не пазначаны адцінак аўтадарогі Р23 і рэзнуўся ў жвіровы насып. Мужчыну дапамаглі кіроўцы, што праязджалі міма, але паведамляць пра ДТЗ у ДАІ ён не стаў, паведамляе slutsk-gorod.by.

Нам выпала скантактавацца з пацярпелым і высветліць у яго дэталі здарэння.

Як распавёў К., ён рухаўся ад ДБУ-9 на вуліцы Энэргетыкаў у бок кавярні «Ваяж», затым - па рэканструктаванай аўтадарозе Р23 у кірунку Менска. Такі маршрут дадому праклаў яму навігатар, пры гэтым на ўсім пазначаным адцінку ён не заўважыў ніводнага дарожнага знака, які забараняе рух або інфармуе аб аб'ездзе.

Дзея адбывалася пад дзесяць гадзін вечара. Ягамосць ехаў па колавай дарозе і паблізу Лучнікоў на хуткасці рэзнуўся ў жвіровы насып. У выніку аўтамабіль атрымаў сур'ёзныя пашкоджанні, сам кіроўца не пацярпеў.

Аварыю заўважылі аўтамабілісты, якія рухаліся ў сустрэчным кірунку на разварот. Яны дапамаглі жыхару Маладзечна выштурхаць самаход на дарогу, пасля чаго К. «так-сяк абы-як» сваім рухам дапяў дадому. «Следам за мной ехаў яшчэ адзін аўтамабіль, які таксама мог бы рэзнуцца ў насып, калі б не заўважыў аварыйныя агні», - дадаў ён.

На пытанне карэспандэнта SlutskGorod, ці не збянтэжыла кіроўцу адсутнасць на закрытым адцінку трасы іншых аўтамабіляў, ён адказаў, што «перад святамі бывае ўсякае».

Паведамляць у ДАІ мужчына не стаў, бо разважыў, што ён у кожным выпадку будзе вінаватым у гэтым ДТЗ. Але на ўсялякі выпадак К. запісаў нумары тэлефонаў відавочцаў, якія спыніліся яму дапамагчы.

Пазней случакі праехалі гэтым маршрутам і пераканаліся, што ніякіх забараняльных знакаў ад вуліцы Энэргетыкаў да «лучнікоўскай ростані» няма. Хіба што перад самім насыпам засталіся старыя знакі: абмежаванне хуткасці для легкавікоў 100 км/г, рэкамендаваная хуткасць - 80 км/г і знак «Прыпыненне-стаянне забароненае».