29 сакавiка 2024, Пятніца, 11:43
Падтрымайце
сайт
Сім сім,
Хартыя 97!
Рубрыкі

Святлана Алексіевіч: Улада ў Беларусі не кантралюе сітуацыю

6
Святлана Алексіевіч: Улада ў Беларусі не кантралюе сітуацыю
СВЯТЛАНА АЛЕКСІЕВІЧ
ФОТА: CHARTER97.ORG/ІВАН МЯЖУЙ

Як бы яна не надзімалася.

Беларуская пісьменніца, нобелеўская лаўрэатка Святлана Алексіевіч у інтэрв'ю расейскай службе ВВС паразважала пра журналістыку ў сучасным свеце. Сёлета яна стала адной з лаўрэатак прэміі імя Ганны Паліткоўскай, заснаванай няўрадавай міжнароднай арганізацыяй RAW in WAR (Дапамагчы ўсім жанчынам у вайне) з Вялікай Брытаніі.

Адно з пытанняў было пра тое, што журналістыка застаецца небяспечнай прафесіяй, а значыць, яна па-ранейшаму існуе як «чацвёртая ўлада».

«Пачынаю думаць, што так, існуе, - кажа Алексіевіч. - Я пра гэта не думала, хаця, калі мы збіраемся, мы ўжо гаворым пра тое, што займацца журналістыкай небяспечна.

З аднаго боку, страшна мець справу з гэтай уладай. З іншага боку, як бы ўлада ні надзімалася, ні ў Расеі, ні ў Беларусі яна ў прынцыпе не кантралюе сітуацыю.

Сумленны журналіст, які не прыслугоўвае, не падпарадкоўваецца, кідае выклік усёй гэтай сітуацыі, сістэме і ставіць сябе пад удар. Сёння гэта абсалютна відавочна: забойствы адбываюцца часта і нават можна сказаць, што яны пачашчаюцца, іх становіцца ўсё больш. І калі раней мы ведалі ворага, то сёння ён прывык хавацца, і вельмі цяжка знайсці сляды».

Напісаць каментар 6

Таксама сачыце за акаўнтамі Charter97.org у сацыяльных сетках