Сенат Польшчы аднагалосна прыняў пастанову ў падтрымку Украіны
- 21.11.2018, 15:22
- 7,446
Польскія сенатары выказалі салідарнасць з украінскім народам.
Сенат Польшчы ў сераду, 21 лістапада, аднагалосна прыняў пастанову да 85-й гадавіны Галадамору ва Украіне.
Пра гэта паведаміў у сваім Twitter амбасадар Украіны ў Польшчы Андрэй Дзешчыца.
«За» прагаласавалі 78 сенатараў, прагаласаваўшых супраць і тых, што ўстрымаліся, не было.
«Сімвалічна, што гэта адбылося ўласна ў Дзень годнасці і свабоды. Дзякуй за памяць, падтрымку і салідарнасць!» - пракаментаваў пастанову дыпламат.
Сьогодні Сенат Республіки Польща @PolskiSenat одноголосно прийняв Ухвалу до 85 роковин Голодомору в Україні. Символічно, що це відбулося власне в День гідності та свободи. Дякуємо за пам’ять, підтримку та солідарність! pic.twitter.com/sa9GJkT1Uo
— Andrii Deshchytsia (@ADeshchytsia) 21 ноября 2018 г.
У пастанове, апублікаванай паслом, польскія сенатары нагадваюць, што ў 2006 годзе Сенат Польшчы ў спецыяльнай пастанове прызнаў украінскую ацэнку гэтых падзей, як злачынства генацыду.
«Мы верым, што распаўсюджванне ведаў аб гэтай вялікай трагедыі ў Еўропе будзе спрыяць лепшаму разуменню наступстваў, якія цягнуць за сабой камуністычная ідэалогія і таталітарызм», - гаворыцца ў прынятым дакуменце.
Польскія сенатары выказалі салідарнасць з украінскім народам у справе захавання памяці аб Галадаморы і імкненні распаўсюджваць веды аб гэтай трагедыі.
«У сувязі з угодкамі Галадамору ва Украіне Сенат Польшчы нагадвае пра пакуты мільёнаў ахвяр гэтай трагедыі», - гаворыцца ў пастанове.
