БАТЭ ўпершыню за 11 гадоў значна саступіў у чэмпіянаце

«Шахцёр» падолеў БАТЭ ўпершыню з 2014 года.

У матчы 28-га тура чэмпіянату Беларусі БАТЭ на выездзе саступіў «Шахцёру» (0:3), паведамляе «Трибуна».

Да сённяшняга дня «гарнякі» апошнім разам перамагалі барысаўчан 29 сакавіка 2014 года (2:0). З тых часоў каманды правялі паміж сабой 13 матчаў у чэмпіянаце, Кубку і Суперкубку Беларусі. 5 з іх завяршыліся ўнічыю. Ва ўсіх астатніх выпадках перамагаў БАТЭ.

Барысаўчане ўжо даўно не ведалі буйных паразаў ва ўнутраным першынстве. 20 чэрвеня 2007 года барысаўчане дома саступілі «МТЗ-РІПА» (0:3) і з тых часоў не дапускалі асечак з розніцай больш, чым у два мячы.