У Казахстане не змаглі абраць новага генеральнага сакратара АДКБ
2- 8.11.2018, 18:55
- 10,444
Імя новага генеральнага сакратара АДКБ назавуць 6 снежня, ім можа стаць беларус.
Пастанова аб прызначэнні новага генеральнага сакратара АДКБ адкладзеная да наступнай сустрэчы прэзідэнтаў, якая павінна адбыцца ў снежні ў Санкт-Пецярбургу. Пра гэта паведаміў журналістам паводле вынікаў саміту ў Астане прэзідэнт Казахстана Нурсултан Назарбаеў, паведамляе карэспандэнт БелТА.
«У нас калізія ўзнікла ў сувязі з тым, што прадстаўнік Арменіі Хачатур, які займаў пасаду генеральнага сакратара, быў адкліканы. Гэта справа армянскага боку. І ў нас у адпаведнасці са статутам наступнай па алфавіце ідзе Беларусь», - адзначыў казахстанскі лідар.
З ягоных слоў, Арменія хацела б прызначыць свайго новага прадстаўніка на астатні перыяд. «Але ўсе кіраўнікі дзяржаў сказалі, што застаецца адзін год. Ён (новы патэнцыйны кандыдат ад Арменіі на пасаду генеральнага сакратара. - Заўвага.) не паспее аб'ехаць нават краіны гэтыя. Таму нам трэба нармальны дзейны генеральны сакратар. Наступны - з беларускага боку», - сказаў Нурсултан Назарбаеў.
«Гэтае пытанне мы адвялі на 6 снежня, у нас будзе сустрэча ў Санкт-Пецярбургу. Мы там канчаткова прымем рашэнне», - дадаў ён.