Трамп выступіў з заявай з нагоды дня памяці ахвяраў камунізму

Прэзідэнт ЗША падкрэсліў, што камунізм аказвае разбуральнае ўздзеянне на росквіт чалавецтва.

Прэзідэнт ЗША Дональд Трамп апублікаваў заяву з нагоды Нацыянальнага дня памяці ахвяраў камунізму. Са слоў прэзідэнта США, у гэты дзень амерыканцы «ўшаноўваюць памяць больш чым 100 мільёнаў чалавек, якія былі забітыя або падвяргаліся пераследам пры таталітарных камуністычных рэжымах», а таксама выказвае «рашучую падтрымку тым, хто імкнецца да міру, росквіту і свабоды ва ўсім свеце», паведамляе «Голос Америки».

«Пасля бальшавіцкай рэвалюцыі 1917 года ў Расеі мы назіралі наступствы тыранічнай камуністычнай ідэалогіі: пакуты, рэпрэсіі і смерць. Камунізм падпарадкоўвае неад'емныя правы чалавека ўяўнага ўсеагульнага дабра, што прыводзіць да знішчэння рэлігійнай свабоды, прыватнай уласнасці, свабоды слова і - часта - чалавечых жыццяў, - гаворыцца ў заяве прэзідэнта. - Гэтая страшная доля спасцігла і ўкраінцаў, якіх даводзілі да галоднай смерці ў часы Галадамору, і расейцаў, якіх нішчылі ў часы Вялікага тэрору, і камбаджыйцаў, якія гінулі на палях смерці, і бэрлінцаў, застрэленых пры спробе вырвацца на волю. Ахвяры гэтых і многіх іншых зверстваў служаць маўклівым сведчаннем таго неабвержнага факту, што камунізм і імкненне да яго заўсёды будуць аказваць разбуральнае ўздзеянне на чалавечы дух і росквіт чалавецтва».

«Сёння мы ўспамінаем усіх тых, каго пазбавілі жыцця, свабоды і імкнення да шчасця пры рэпрэсіўных камуністычных рэжымах. Сёння мы аплакваем невыносныя страты, якія многім давялося перажыць пры камунізме, і зноў абяцаем і надалей прасоўваць ідэалы свабоды і магчымасці для ўсіх», - рэзюмаваў прэзідэнт ЗША.