Сіноптыкі: Заўтра будзе да - 15 градусаў

У Беларусі 14 лютага чакаецца снег.

Заўтра будзе воблачна, уначы з праясненнямі, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У асобных раёнах пройдзе невялікі снег. Месцамі чакаюцца слабыя туман і галалёд, на асобных участках дарог галалёдзіца. Вецер прагназуецца ўсходні, паўднёва-ўсходні 3-8 м/с. Тэмпература паветра ўначы складзе 3-9 градусаў марозу, пры праясненнях - мінус 10-15. Удзень будзе 1-7 градусаў ніжэй за нуль.