JPMorgan: Крыптавалютам будзе складана заняць месца традыцыйных валют

Фінансавы кангламерат прэзентаваў прагноз пра крыптавалюты.

JPMorgan прэзентаваў прагноз пра крыптавалюты, і нягледзячы на скептыцызм з боку Джэймі Даймана, аналітыкі банка ўяўляюць больш аптымістычную карціну, паведамляе take-profit.org.

На думку JPMorgan, лічбавыя валюты будуць па-ранейшаму прыцягваць інвестараў, якія настроены скептычна ў дачыненні да цэнтралізаваных рынкаў.

Аднак, у той жа час, крыптавалюты вымушаныя будуць пераадолець перашкоды, якія перашкаджаюць іх шырокаму выкарыстанню.

Крыптавалюты не знікнуць

«Крыптавалюты наўрад ці знікнуць цалкам, бо застануцца папулярнымі сярод прыхільнікаў дэцэнтралізацыі і ананімнасці», - піша JPMorgan.

Блокчэйн мае рэальныя магчымасці

«Тэхналогія мае патэнцыял з пункту гледжання захоўвання і адсочвання звестак, а таксама бяспекі. Яе прымяненне можа павысіць празрыстасць і эфектыўнасць аплатных сістэм», - адзначае JPMorgan.

Дарагоўля транзакцый з біткойнам

«Часта многія выпускаюць з-пад увагі рознасць выдаткаў на куплю або продаж каштоўных папер. У выпадку акцый, валют і біржавых фондаў гэтыя выдаткі нязначныя, бо рознасць вузкая.

Аднак сярэдняя рознасць на куплю 10 біткойнаў у даляравым выражэнні складае 2%, тады як для астатніх актываў - менш чым 0,1%», - адзначае JPMorgan.

Валацільнасць

«Біткойн вельмі валацільны, і гэта перашкаджае яго шырокаму выкарыстанню.

Крыптавалюты ў 10 разоў больш валацільныя, чым базавыя актывы або сыравінныя тавары», - працягвае JPMorgan.

Адсутнасць нагляду з боку рэгулятараў

«У плане глабальнай скаардынаванай рэгуляцыі крыптавалютнай сферы прагрэс пакуль непрыкметны. У многіх краінах гандаль біткойнам забаронены, тады як у некаторых ён таргуецца з вялікай прэміяй або дысконтам.

Крыптавалютам будзе вельмі складана заняць месца традыцыйных валют, бо даляр, еўра і юань лёгка не здадуць свае пазіцыі», - заключае JPMorgan.