Віцэ-міністр замежных спраў Польшчы асудзіў збіванне аператара «Белсату»
7- 19.02.2018, 15:37
- 19,078
Барташ Ціхоцкі выказаў абурэнне дзеяннямі беларускіх уладаў.
Віцэ-міністр замежных спраў Польшчы Барташ Ціхоцкі выступіў у Twitter з адмысловай заявай у сувязі са збіццём і затрыманнем аператара «Белсату» Андрэя Козела.
«Я абураны брутальным збіццём і арыштам Андрэя Козела», - напісаў віцэ-міністр замежных спраў Польшчы. «Чакаю, што ўлады забяспечаць яму медыцынскую дапамогу, кантакт з адвакатам і сям'ёй, і пакараюць вінаватых».
1/2 Я абураны брутальным збіццём і арыштам Андрэя Козела, даверанай асобы аднаго з кандыдатаў на мясцовых выбарах, якія адбываюцца ў Беларусі. Я размаўляў з Аляксеем Мінчонкам з @Belsat_TV пра стан здароўя Козела, выказаў яго жонцы словы салідарнасці
— Bartosz Cichocki (@B_Cichocki) 18 февраля 2018 г.
2/2 Чакаю, што ўлады забяспечаць яму медычную дапамогу, кантакт з адвакатам і сям'ёй, а таксама пакараюць вінаватых. Мясцовыя ўлады павінныя забяспечыць поўную празрыстасць выбараў.
— Bartosz Cichocki (@B_Cichocki) 18 февраля 2018 г.