Нямецкі нацыянальны архіў выклаў на сваім сайце каляровыя здымкі Менска.
Нямецкі нацыянальны архіў выклаў на сваім сайце каляровыя здымкі Менска, зробленыя фатографам Куртам Ломанам (нем. Curt Lohmann) летам 1941 года. Tut.by прапануе азнаёміцца з невядомымі раней здымкамі беларускай сталіцы часоў акупацыі.
Адным з асноўных аб'ектаў Менска, які з нейкіх прычын зацікавіў нямецкага фатографа, быў Пішчалаўскі замак - СІЗА№1 на вуліцы Валадарскага. У архіве можна ўбачыць тры здымкі, зробленыя каля турмы з унікальных ракурсаў.
Цікавілі фатографа і культавыя збудаванні Менска. У кадр трапілі менская мячэць і былая харальная сінагога.
Зрэшты, Курт Ломан не абмяжоўваўся фатаграфаваннем архітэктурных помнікаў. На яго кадрах захаваныя руіны дамоў, разбураных бамбаваннямі, калоны ваеннапалонных і штодзённае жыццё вуліц акупаванага Менска.
Сярод здымкаў Ломанна ёсць цалкам унікальныя кадры. На іх можна ўбачыць месцы, якія раней амаль не трапляліся на фота. Такімі, напрыклад, з'яўляюцца фатаграфіі старых габрэйскіх могілак, якое знаходзілася на вуліцы Калектарнай. У гады акупацыі могілкі знаходзілася на тэрыторыі менскага гета, тут хавалі ахвяр Халакосту. Пасля вайны могілкі былі ліквідаваныя савецкімі ўладамі. Сёння пра некропаль нагадвае толькі мемарыял на вуліцы Сухой, які склалі з надмагільных камянёў старых могілак, якія захаваліся.
Ёсць у архіве некалькі здымкаў, пра якія цяжка сказаць, ці праўда яны зробленыя ў Менску.
Не ўсе месцы ўдалося ідэнтыфікаваць. Будзем удзячныя чытачам, якія падкажуць нам у каментарах, у якіх месцах Менска былі зробленыя тыя ці іншыя кадры.