29 сакавiка 2024, Пятніца, 16:32
Падтрымайце
сайт
Сім сім,
Хартыя 97!
Рубрыкі

Самыя дарагія канфіскаваныя аўто, якія прадае кіраўніцтва справамі Лукашэнкі

7
Самыя дарагія канфіскаваныя аўто, якія прадае кіраўніцтва справамі Лукашэнкі

На сайце канфіскату можна знайсці нават Bentley.

Грошай, якія за яго просяць, хапіла б, каб набыць цэлы паверх у панэльнай новабудоўлі ў Баранавічах, піша intex-press.by.

Рэалізацыяй аўтамабіляў, канфіскаваных і накіраваных у прыбытак дзяржавы (у тым ліку ў Баранавічах), у Беларусі займаецца сэрвісна-гандлёвае рэспубліканскае ўнітарнае прадпрыемства «Гандлёвы дом “Усходні”», якое належыць кіраўніцтву справамі Лукашэнкі. На сайце прадпрыемства прадаецца блізу 400 транспартных сродкаў – ад матацыклаў да грузавікоў.

Самы танны легкавы аўтамабіль, які можна знайсці на сайце, – Opel Ascona. З іржавым кузавам і выцертым салонам, але на хаду. І каштуе ён танней, чым камплект новай гумы да яго – блізу 90 даляраў у эквіваленце.

А вось самы дарагі легкавік каштуе прыкладна ў 1700 разоў даражэй.

ТОП-5 дарагіх канфіскаваных легкавых аўтамабіляў

Bentley Brooklands 2008 года выпуску. Бензінавы рухавік, аўтаматычная скрынка перадачаў, аўтамабіль на хаду. Кошт – блізу 158 тысячаў даляраў у эквіваленце.

Bmw Х5 (M 50d, Xdrive 40d, Xdrive 30d) 2016 года выпуску. Дызельны рухавік, скрынка-аўтамат, усе машыны не на хаду. Кошт – 48–53 тысячы даляраў у эквіваленце.

Lexus Lx 570 2012 года выпуску. Бензінавы рухавік, скрынка-аўтамат. Аўтамабіль на хаду. Кошт – 46,5 тысячы даляраў у эквіваленце.

Mercedes-Benz Glc 2017 года выпуску. Дызель, скрынка-аўтамат, не на хаду. Кошт – блізу 35,5 тысячы даляраў у эквіваленце.

Cadillac Escalade 2012 года выпуску. Бензінавы рухавік, аўтаматычная скрынка перадачаў, на хаду. Кошт – каля 32,6 тысячы даляраў у эквіваленце.

Напісаць каментар 7

Таксама сачыце за акаўнтамі Charter97.org у сацыяльных сетках