Што трэба ведаць пра Радаўніцу: 10 самых распаўсюджаных пытанняў

Як увогуле паводзіць сябе падчас свята.

17 красавіка ўсе праваслаўныя вернікі будуць адзначаць Радаўніцу – дзень памінання памерлых. Паводле традыцыі ён святкуецца на 9-ы дзень пасля Вялікадня.

Калі верыць сведчанню свяціцеля Яна Златавуста, які жыў у 4 стагоддзі, Радаўніцу адзначалі на хрысціянскіх могілках яшчэ ў старажытнасці, піша «Віцебскі кур'ер».

Якія правілы неабходна выконваць у гэты дзень?

1. Як паводзіць сябе на могілках?

На Радаўніцу трэба прыйсці на магілы сваякоў, запаліць свечку і памаліцца. Некаторыя ў гэты дзень запрашаюць на могілкі святара, каб ён здзейсніў чын ліціі («узмоцненага малення»).

А перад тым як наведаць могілкі, каму-небудзь з сваякоў варта схадзіць у храм і падаць запіску з імем памерлага для згадвання ў алтары.

2. Ці можна пакідаць на магілах чаркі з гарэлкай і ежу?

Святары настойліва раяць не пакідаць на магілах гарэлку і не ліць яе ў магільны пагорак, каб не абражаць памяць памерлага. Гэты звычай з'яўляецца перажыткам паганства. Ежу, якую мелі намер пакінуць на могілках, лепш аддаць галодным і жабракам.

3. Ці можна ў гэты дзень піць гарэлку?

Трэба памятаць, што п’янства ў гэты дзень недапушчальнае. На Радаўніцу можна выпіць толькі крыху віна. Варта не забывацца, што нябожчыкам у гэты дзень патрэбная, у першую чаргу, малітва.

4. Ці можна саджаць нешта на гародзе на Радаўніцу?

Якое ні было б надвор'е, у гэты дзень не прынята нешта саджаць і сеяць. Свята павінна быць прысвечана памяці спачылых сваякоў. Мяркуюць, што ўраджай культураў, пасаджаных у гэты дзень, будзе дрэнным, а год стане неўраджайным.

5. Ці варта плакаць на магілах сваякоў у гэты дзень?

У царкве мяркуюць, што назва «Радаўніца» паходзіць ад слова «радасць», таму ў гэты дзень трэба прыходзіць на могілкі і дзяліцца з памерлымі сваякамі радаснай навіной пра ўваскрэсенне Хрыста Збаўцы.

6. Ці можна прыбіраць на магілах?

Можна, і нават трэба. Пасля Вербнай нядзелі наведваць могілкі не прынята, таму неабходна навесці парадак пасля зімы або да гэтага свята, што не заўсёды дазваляе надвор'е, або на Радаўніцу.

7. Ці можна цяжарным хадзіць на памінальную службу ў царкву і на могілкі?

Калі будучая мама добра пачуваецца фізічна і псіхалагічна, то, вядома, так. Калі жанчыне ў чаканні дзіцяці гэта цяжка, яна можа памаліцца за памерлых дома.

8. Ці можна выходзіць замуж на Радаўніцу?

Калі на гэты дзень прызначаная дзяржаўная рэгістрацыя шлюбу або калі запланаванае святкаванне з роднымі, то можна. А вось браць шлюб не варта, зрэшты, абрад вянчання ў аўторкі і так ніколі не праводзіцца.

Вянчацца лепш напярэдадні Радаўніцы ў нядзелю або ў сераду пасля свята.

9. Ці можна прыносіць штучныя кветкі на могілкі?

Многія сёння прыносяць на могілкі штучныя кветкі. Між тым святары кажуць, што ў Госпада мы ўсе жывыя, таму лепш пакласці на магілу жывыя кветкі.

10. Ці можна мыць, прыбіраць на Радаўніцу?

Царква не забараняе любую хатнюю працу ў гэты дзень. Толькі перад тым, як прыступіць да ўборкі, варта запаліць свечку і памаліцца за памерлых.