Раскамнагляд пачаў блакаваць Telegram
4- 16.04.2018, 12:36
- 10,261
Установа накіруе запыт у App Store і Google Play з патрабаваннем выдаліць гэты мэсэнджар.
Раскамнагляд пачаў абмяжоўваць доступ да мэсэнджара Telegram на тэрыторыі Расеі, паведамляецца на сайце ўстановы.
«Інфармацыя пра гэтыя інтэрнэт-рэсурсы ў панядзелак, 16 красавіка, накіраваная аператарам сувязі з мэтай абмежавання доступу», – гаворыцца ў паведамленні.
Цягам дня Раскамнагляд накіруе запыт у крамы праграмаў App Store і Google Play з патрабаваннем выдаліць мэсэнджар, паведаміў «Інтэрфаксу» кіраўнік установы Аляксандр Жараў.
«Колькі зойме працэс блакавання? Зойме некалькі гадзінаў, паколькі аператары яго выгружаюць, і працэс блакавання будзе паступова нарастаць», – паведаміў ён.
Доступ будзе абмежаваны да інтэрнэт-версіі, вэб-кліента і дадатку Telegram.