Расея і Сірыя не пусцілі экспэртаў у хімічнай зброі ў Думу

Экспэрты прыбылі ў Сірыю на выходных, каб высветліць, ці выкарыстоўвалася ў Думе хімічная зброя.

Расея і Сірыя не дапусцілі інспектараў Арганізацыі ў забароне хімічнай зброі ў горад Думу. Пра гэта заявіла дэлегацыя Вялікай Брытаніі пры АЗХЗ на спецыяльным пасяджэнні арганізацыі 16 красавіка, паведамляе «Радыё Свабода».

Экспэрты прыбылі ў Сірыю на выходных, каб высветліць, ці выкарыстоўвалася ў Думе хімічная зброя.

У ноч на 14 красавіка ЗША, Вялікая Брытанія і Францыя нанеслі ўдары па трох аб'ектах у Сірыі. Спецаперацыя стала адказам на меркаванае ўжыванне хімічнай зброі ў горадзе Думе ва Усходняй Гуце 7 красавіка.

Сусветная арганізацыя аховы здароўя паведамляла 11 красавіка, што ахвярамі хіматакі сталі 43 чалавекі. Паводле звестак валанцёрскай арганізацыі «Белыя шлемы», у Думе загінулі 100 чалавек.

Заходнія краіны абвінавачваюць у хімічнай атацы сірыйскі ўрад. Міністр замежных спраў РФ Сяргей Лаўроў сцвярджаў, што расейскія спецыялісты не выявілі ў Думе довадаў выкарыстання хімічнай зброі.