Навукоўцы распавялі, якой будзе ежа будучага
2- 24.04.2018, 18:00
- 12,163
Навукоўцы ўжо цяпер спрабуюць распрацаваць новыя прадукты ў лабараторыях.
У будучыні людзей на планеце стане яшчэ больш, а ежы - менш. Таму навукоўцы ўжо цяпер спрабуюць распрацаваць новыя прадукты ў лабараторыях. Якія прадукты змогуць накарміць чалавецтва і не нашкодзіць?
Штучнае мяса
У 2013 годзе сабекошт бургера з катлетай з выгадаванага ў лабараторыі мяса складаў звыш $300 000, а цяпер ледзь-ледзь перавышае $10. Пры гэтым навукоўцы прадаўжаюць удасканальваць тэхналогіі, каб зрабіць штучнае мяса яшчэ больш даступным і нарэшце вывесці яго на глабальны рынак у найбліжэйшае дзесяцігоддзе, піша segodnya.ua.
Большасць лабараторных методык вырошчвання мяса мае на ўвазе выкарыстанне сапраўдных жывёльных клетак, атрыманых з сыроваткі крыві. У біярэактары з клетак фармуецца мускулатура, якая і становіцца асновай мяса.
Са слоў вытворцаў, штучнае мяса абяцае стаць запатрабаваным прадуктам за кошт шэрагу пераваг: яно мае смак, не горшы за натуральнае, пры гэтым не напампаванае антыбіётыкамі, не было вырашчанае побач з загазаваным трасай, не прадугледжвае забойства жывых істот і, да таго ж, будзе каштаваць танней.
Раслінныя яйкі
Яны зробленыя з кампанентаў расліннага паходжання і ўжо прадаюцца ў амерыканскіх супермаркетах. Галоўныя спажыўцы гэтых яек - вегетарыянцы.
Вытворцы вегетарыянскіх яек сцвярджаюць, што яны больш карысныя і смачныя за сапраўдныя. Гэты ўнікальны прадукт можа замяніць яйкі ў амлеце, у складзе выпечкі, маянэзе і іншых падліўках, якія раней не маглі сабе дазволіць людзі, якія ўжываюць выключна раслінную ежу.
Ежа, раздрукаваная на 3D-друкарцы
Ежу можна не толькі зварыць або пасмажыць, але і надрукаваць на 3D-друкарцы - бо гэта хутка, зручна і незвычайна. Такі канцэпт існуе ўжо некалькі гадоў, і навукоўцы прагназуюць, што ў найбліжэйшай будучыні такіяя прылады з'явяцца на кожнай кухні.