Кіраўнік Бундэстагу заклікаў стварыць войска Еўразвязу
1- 24.04.2018, 18:40
- 8,397
ЕЗ павінен узяць на сябе вялікую адказнасць за ўласную бяспеку.
Еўрапейскі Звяз павінен узмацніць вайсковае і абаронна-палітычнае супрацоўніцтва сярод краін-чальцоў, мяркуе старшыня Бундэстагу Вольфганг Шойбле, паведамляе DW.
На ягоную думку, Еўропа павінна ўзяць на сябе вялікую адказнасць за ўласную бяспеку і кардынальна ўзмацніць намаганні ў сусветнай палітыцы ў гэтым кантэксце. Такую заяву Шойбле агучыў у аўторак, 24 красавіка, на канферэнцыі кіраўнікоў парламентаў дзяржаў ЕЗ у эстонскім Таліне.
Улічваючы комплексныя пагрозы ў глабалізаваным свеце ў Еўропы ёсць шанец толькі дзякуючы агульнай замежнай палітыцы і палітыцы бяспекі, падкрэсліў Шойбле.
«На маё асабістае перакананне, нам патрэбнае еўрапейскае войска. Лепш учора, чым заўтра ці паслязаўтра», - цытуе нямецкага палітыка інфармагенцтва dpa.