Відэафакт: У Менску буслы ўчынілі бойку прама па цэнтры дарогі
7- 24.04.2018, 21:37
- 22,709
Буслы ўчынілі «разборкі» ў Чыжоўцы.
«Бойка гопнікаў на дарозе» - так назваў пацешны сюжэт, які атрымалася зняць на рэгістратар у Менску, чытач onliner.by Андрэй. Відэа ён зняў некалькі дзён таму, калі праязджаў па вуліцах Ташкенцкай і Убарэвіча.
«Спачатку мы падумалі, што птушкі зладзілі шлюбныя танцы, - распавядае Андрэй. - Калі ўбачылі, што ва ўсе бакі ляцяць пёры, зразумелі, што гэта самыя сапраўдныя дарожныя разборкі».
Андрэй адзначыў: калі прыгледзецца, на відэа можна ўбачыць, як на слупе, размешчаным побач, стаіць дама, якая назірае за хлопцамі, «якія выйшлі на разы», як у старыя добрыя часы Чыжоўкі.