Каля скандальнага рэстарана ў Курапатах затрыманыя журналісты «Белсата»
6- 20.07.2018, 14:19
- 14,270
Незалежныя журналісты прадаўжалі весці стрым з міліцэйскай машыны.
Журналістку «Белсата» Кацярыну Андрэеву і аператара Сяргея Кавалёва затрымалі ў Курапатах, піша belsat.eu.
Кацярына Андрэева і Сяргей Кавалёў вялі стрым з прэс-канферэнцыі Зайдэса, а потым размаўлялі з актывістамі, якія ўсталёўваюць крыжы ў Курапатах.
Ужо калі Андрэева і Кавалёў сыходзілі, да іх каля запраўкі падышлі міліцыянты – Сяргей Кніга і Андрэй Пуцята. Яны запрасілі журналістку і аператара праехаць з імі ў Бараўлянскі аддзел міліцыі УУС Менаблвыканкама, каб там скласці пратакол паводле арт. 22.9 КаАП.
Кацярына Андрэева прапанавала скласці пратаколы на месцы, аднак праваахоўнікі адмовіліся і пасадзілі журналістаў у міліцэйскую машыну.