Канадзец зрабіў прыборку на працоўным стале ўпершыню за дзевяць месяцаў і разбагацеў
8- 21.09.2018, 17:04
- 13,865
На стале ён знайшоў выйгрышны латарэйны білет.
Канадзец Карнэліус Наёкс (Cornelius Naujoks) упершыню за дзевяць месяцаў разабраў працоўны стол і знайшоў на ім выйгрышны латарэйны білет, піша lenta.ru.
Жыхар горада Вайткорта, правінцыя Альберта, набыў латарэйны білет амаль год таму, але забыўся праверыць яго адразу і страціў пад грудай папер і іншых латарэйных білетаў. Калі Наёкс усё ж наважыў прыбрацца ў кабінеце, ён знайшоў білет. Канадзец аднёс яго ў краму, дзе прасканаваў і выявіў, што выйграў 998,7 тысячы канадскіх даляраў.
«Мяне перапаўнялі эмоцыі. Не мог паверыць сваім вачам, калі ўбачыў усе гэтыя нулі на экране сканэра», - прызнаўся мужчына.
Выйгрыш канадзец плануе выдаткаваць на куплю новага дома і аўтамабіля.