TripAdvisor назваў дзесяць гарадоў свету з самым цудоўным стрыт-артам
- 21.09.2018, 19:55
- 8,117
Вулічнае мастацтва стала глабальнай з'явай.
Сайт падарожжаў TripAdvisor назваў дзесяць гарадоў ва ўсім свеце з самымі цікавымі ўзорамі стрыт-арта, паведамляе «Новое время».
Калісьці ўважалася вандалізмам, піша сайт, вулічнае мастацтва стала глабальнай з'явай у міжнародных маштабах. Вулічныя мастакі падарожнічаюць па свеце, пакідаючы свой след у розных гарадах. Самі гарады становяцца цэнтрамі стрыт-арт культуры, у іх з'яўляецца яркае публічнае мастацтва, якое ўпісваецца ў палітычны і культурны клімат.
Вось дзесяць гарадоў свету з найлепшым стрыт-артам:
Сан-Паўлу (Бразілія)
Адпраўляйцеся ў багемны раён Віла-Мадалена і прагуляйцеся па Бэтмен-алеі.
Бэрлін (Нямеччына)
Хоць Бэрлінская сцяна - гэта відавочнае месца для пошукаў муралаў, у астатняй частцы горада таксама ёсць шмат дзіўнага вулічнага мастацтва. Існуюць нават туры з воркшопаў па графіці на закінутай фабрыцы.
Вальпараіса (Чылі)
Стрыт-арт пакрывае вуліцы горада, але наваколлі Сэра Абаха прапануюць асабліва высокую яго канцэнтрацыю.
Мантрэаль (Канада)
Калі ў вас не атрымаецца трапіць на мясцовы фестываль Mural, не турбуйцеся - муралы застануцца і пасля яго. Схадзіце на бульвар Сэн-Ларан, каб убачыць некаторыя дзіўныя прыклады.
Лос-Анджэлес (ЗША)
Вулічнае мастацтва можна знайсці па ўсім Лос-Анджэлесе, але самыя знакавыя працы - у Даўнтаўн і Санта-Моніцы.
Багата (Калумбія)
Арганізатары тураў Bogota Graffiti прапануе пешаходныя экскурсіі з дэманстрацыяй найлепшых муралаў і тлумачэнняў іх гістарычнага значэння.
Парыж (Францыя)
Вулічнае мастацтва можна ўбачыць па ўсім цэнтры горада, але калі вы адправіцеся на поўдзень ад Сены на левы бераг, вы ўбачыце велізарныя графіці, якія ажыўляюць мясцовасць.
Віфлеем (Палестына)
Муралы можна знайсці як на ізраільскай, так і на палестынскім баку мура. Акрамя таго, наваколлі, навакольныя сцены, таксама з'яўляюцца добрым месцам для пошукаў вулічнага мастацтва.
Бангкок (Тайланд)
Канал Саен Саеп стаў выдатным месцам для вывучэння мясцовага вулічнага мастацтва, але існуе таксама шмат пешаходных экскурсій, якія даследуюць астатнюю частку горада.
Масква, (Расея)
Поўнач Масквы вакол станцыі метро Бабушкінская - найлепшае месца для прагляду стрыт-арта сталіцы РФ.