За якія плацяжы «Беларусбанк» будзе браць дадатковую плату
9- 21.09.2018, 20:36
- 20,430
Банк вырашыў увесці камісію за прыём некаторых плацяжоў наяўнымі.
Змены пачнуць дзейнічаць з 1 кастрычніка. За якія плацяжы трэба будзе ўносіць камісію, а за якія - не - у матэрыяле tut.by.
Нагадаем, найбуйнейшы банк краіны раней анансаваў увядзенне платы за наяўныя аперацыі ў касах банка з 1 жніўня 2016 года. Потым тэрмін з'яўлення адмысловай камісіі перанеслі на 1 кастрычніка 2016 года, а пазней гэтае рашэнне і зусім скасавалі.
1 рубель трэба будзе плаціць за адзін «падыход» да касы або за кожны плацеж?
Камісія будзе брацца за кожны плацеж у касе банка. Да прыкладу, калі трэба «закінуць» грошы на два розныя нумары тэлефона, то трэба будзе заплаціць камісію 2 рублі. Нагадаем, у 2016 годзе, калі Беларусбанк таксама анансаваў увядзенне платы за наяўныя аперацыі ў касах. Але тады гаварылася пра тое, што сума камісіі павінна скласці 1 рубель за разавы зварот у касу, незалежна ад колькасці плацяжоў, якія будуць зробленыя. Атрыманыя грошы збіраліся выкарыстоўваць на дабрачынныя мэты.
Прыйдзецца заплаціць 1 рубель, да прыкладу, за аплату ў касе навучання, паслуг паркоўкі, інтэрнэт-паслуг.
Ці трэба плаціць 1 рубель за абмен або куплю валюты?
За валютна-абменныя аперацыі, якія будуць здзяйсняцца ў касах, спаганяць камісію не будуць, удакладнілі ў банку.
За якія плацяжы не возьмуць камісію?
Без камісіі па-ранейшаму можна будзе аплаціць у касе банка камунальныя паслугі і гарадскі тэлефон. Новаўвядзенне не закране ветэранаў Вялікай Айчыннай вайны.
Не трэба будзе плаціць камісію таксама пры выплаце збораў у дзяржбюджэт - падаткаў, збораў, мытаў, штрафаў. Бясплатна можна будзе пералічыць грошы праз касу банка на карысць грамадскiх аб'яднанняў, на дабрачынныя рахункі, а таксама ўзносы страхавымі агентамі. 1 рубель не спатрэбіцца ўносіць таксама за плацяжы на карысць банка. Да прыкладу, за пагашэнне крэдыту.
Якую альтэрнатыву прапануе банк?
Усе плацяжы, за якія будзе спаганяцца камісія, можна зрабіць у інтэрнэт-банкінгу, мабільным банкінгу, а таксама ў інфакіёсках.
Што яшчэ змянілася для кліентаў?
З 1 кастрычніка сума ўзнагароджання за безнаяўны плацеж па рэквізітах у інфакіёсках банка, інтэрнэт-банкінгу, мабільным банкінгу будзе складаць 50 капеек за кожны плацеж. Гаворка ідзе пра адвольныя плацяжы (плацяжы, у якіх усе рэквізіты атрымальніка ўказваюцца плацельшчыкам самастойна).
Цяпер кошт паслугі складае 1,8% ад сумы, мінімум - 25 капеек.
Пры гэтым плацяжы ў сістэме «Разлік» (АРІП) ажыццяўляюцца без збірання ўзнагарод.