Навальны распавёў, як улады абрабуюць простых расейцаў у 2019 годзе

Усё гэта адбываецца на фоне імклівага падзення рэальных даходаў расейцаў.

У сваім відэа прадстаўнікі каманды Аляксея Навальнага проста і даступна распавялі пра крыніцы ўзмацнення фінансавай нагрузкі грамадзян Расеі, якія не атрымалі такой шырокай агалоскі, як пенсійная рэформа, піша rusmonitor.com.

Напрыклад, быў названы шэраг прычын, якія стымулююць стабільнае павелічэнне коштаў у 2019 годзе:

• Рост падатку на дададзеную вартасць з 18% да 20%;

• Павелічэнне акцызных збораў на паліва;

• Памяншэнне курсу нацыянальнай валюты;

• Інфляцыя.

Рост ПДВ прывядзе да павелічэння кошту прадуктаў харчавання, агулам, на 17%. Паводле афіцыйных звестак, сярэднія штомесячныя марнаванні на харчаванне аднаго сямейніка ў 2018 годзе складалі 6151 рубель, у 2019 - ужо 7196 рублёў.

Акрамя таго, кошт медыкаментаў, асабліва найбольш запатрабаваных, узрасце на 10-15%, а паслуг ЖКГ - з 1 студзеня на 1,7%, а з 1 ліпеня - яшчэ на 2,4%. Таксама з'явіцца новы падатак на смецце. Практычна ўсе аператары мабільнай сувязі апавясцілі кліентаў аб росце тарыфаў.

Рост акцызу на паліва выкліча рост яго кошту на 7-10%, што адаб'ецца не толькі на кіроўцах, але і на ўсіх сферах жыцця, звязаных з перавозкамі і дастаўкай. Мацней за ўсё гэта адаб'ецца на ОСАГО: паводле звестак Расстата кошт абавязковай страхоўкі павялічыцца на 15-20% і складзе блізу 7 тысяч рублёў. Не варта забываць пра рост коштаў праезду ў грамадскім транспарце: так у Маскве паездка ў метро падаражэла на 5,1%, гэта значыць, прыкладна на 2 рублі сам тарыф.

Усё гэта адбываецца на фоне імклівага падзення рэальных даходаў насельніцтва - яшчэ ў лістападзе 2018 яны знізіліся на 2,9%. Мінулы год многім здаваўся няпростым, але існы год, відавочна, можа пакінуць расейцаў, асабліва простых людзей, у наўпроставым сэнсе без капейкі і ледзь не давесці да жабрацтва, асабліва, калі браць пад увагу істотны рост падаткаў і акцызаў.