«МКАД стаіць больш за гадзіну!»
12- 12.01.2019, 16:35
- 31,509
Cталічныя кіроўцы распавялі пра заторы праз двух зухаў.
«Кальцавая ў бок Малінаўкі стаіць без руху больш за гадзіну!» - абураюцца аўтамабілісты, якія задумалі сёння праехаць па ўнутраным боку МКАД ля вуліцы Напалеона Орды, піша onliner.by.
Тут як раз прыступілі да рамонту пуцеправода. У выніку для руху з боку Малінаўкі ў кірунку Калядзічаў засталіся дзве паласы, а ў зваротным кірунку - адна.
Менавіта гэтую паласу не падзялілі два аўтамабілісты. Абодва разлічвалі праехаць праблемны адцінак як мага хутчэй. Камусьці ў галаву прыйшла думка, што замест адной паласы папросту можна ўявіць дзве, пасля чаго паехаць яшчэ хутчэй.
«Корак расце на вачах праз двух зухаў, - наракаюць тыя, каму не пашчасціла апынуцца ззаду. Зрэшты, на месца ўжо прыбыў экіпаж ДАІ.