«Баста»: Цяпер усё будзе сур'ёзна, па-даросламу

Беларусам трэба не падвесці краіну.

Беларусы прынялі актыўны ўдзел у 2009 vs. 2019 Challenge, якія праходзіць у сацыяльных сетках ва ўсім свеце. Выкладаюць свае фота, распавядаюць пра тое, што змянілася ў іх жыцці за 10 гадоў. Пішуць і пра тое, што засталося нязменным, назаўжды затрымаліся ў мінулым. Тут у лідарах - вядомы персанаж, які ўсе гэтыя 10 гадоў вешае нам лапшу на вушы, не клапоцячыся ні пра яе свежасць, ні пра якасць, піша телеграм-канал «Баста».

Прывядзём і мы пару яго цытат з далёкага 2009 года.

«Ні пра якое скарачэнне не можа быць гаворкі. Сярэднямесячны памер пенсій па ўзросце вырасце на 10%. Сярэдні заробак на працягу года павінны дасягнуць 500 даляраў. Гэтая лічба святая». (Лукашэнка, сустрэча з прадстаўнікамі беларускіх СМІ, 30.12.2009)

«Беларусы і расейцы - гэта адзін народ. Расея - гэта наша краіна... Мы думаем як рускія, як расейцы». (Лукашэнка, «Савецкая Беларусь», 5.06.2009)

«Кожны кіраўнік, кожны чыноўнік павінен засвоіць, што ён павінен распранацца сёння і працаваць на вытворчасць, а потым яшчэ і прадаваць гэтую прадукцыю». (Лукашэнка, ОНТ, 18.01.2009)

Крызіс жанру для палітыка - калі ён не можа прапанаваць нічога новага, не гатовы адказваць на новыя выклікі, не адпавядае часу. Крызіс жанру для дыктатара - калі ён не можа прыдумаць новую хлусню і, як невук ці вулічны блазен, спрабуе весяліць навакольных даўно ўсімі разгаданымі фокусамі дзесяцігадовай даўнасці.

Справядліва будзе адзначыць, што адно адрозненне мы знайшлі.

«Я не напружваюся наконт выбараў. Я не хвалююся з гэтай нагоды», - так Лукашэнка казаў на сустрэча з прадстаўнікамі беларускіх СМІ 30 снежня 2009 года. Сёння ад былой упэўненасці ні засталося і следу. Памятаеце, як ён нядаўна амаль трагічным голасам пра «палітычныя вакханаліі», і «спробы каштаваць на зуб» вяшчаў?

«Прадчуванне кіраўніка не падводзіць, цяпер усё будзе сур'ёзна, па-даросламу. Давайце і мы пастараемся не падвесці.