Зяленскі правядзе прэс-марафон, дзе будзе цэлы дзень адказваць на пытанні
27- 9.10.2019, 14:57
- 10,607
Прэс-марафон прэзідэнта Украіны можна будзе глядзець і ў сацсетках.
Прэзідэнт Украіны Уладзімір Зяленскі ў чацвер, 10 кастрычніка, правядзе прэс-марафон. Ён будзе адказваць на пытанні журналістаў цягам усяго дня.
Пра гэта паведамляе censor.net са спасылкай на прэс-службу Офіса прэзідэнта.
«У чацвер, 10 кастрычніка, а 10:00 пачнецца прэс-марафон з прэзідэнтам Украіны Уладзімірам Зяленскім. Кіраўнік дзяржавы будзе адказваць на пытанні журналістаў цягам усяго дня», - гаворыцца ў паведамленні.
Месца правядзення: Kyiv Food Market, вул. Маскоўская, 8.
Прадстаўнікі медый будуць задаваць пытанні кіраўніку дзяржавы групамі па 7-10 чалавек. Групы будуць мяняць адна адну кожныя паўгадзіны. Фармуюцца групы па спісе акрэдытацыі.
Акрамя таго, паведамляецца, што прадстаўнікі СМІ змогуць працаваць у прэс-цэнтры, арганізаваным на тэрыторыі Kyiv Food Market, дзе будзе ажыццяўляцца жывая трансляцыя інтэрв'ю.
Марафон будзе транслявацца онлайн у сацсетках на афіцыйных старонках Офіса прэзідэнта.