Сайт «Хартыя-97» абвяшчае набор валанцёраў

Сайт charter97.org абвяшчае набор валанцёраў для журналісцкай працы ў варшаўскім офісе рэдакцыі.

Абавязковыя ўмовы – досвед працы ў інтэрнэт-журналістыцы, веданне грамадска-палітычнага жыцця Беларусі, найноўшай гісторыі нашай краіны, валоданне беларускай і расейскай мовамі (ангельская і польская – вітаюцца), пісьменнасць, жаданне і гатоўнасць шмат і цікава працаваць. Журналісцкая адукацыя пажаданая, але не абавязкова. У першую чаргу будуць разглядацца прэтэндэнты, якія пражываюць у Польшчы.

Валанцёры, якія паспяхова прайшлі выпрабавальны тэрмін, могуць спадзявацца на афіцыйнае працаўладкаванне. Пішыце на пошту charter97@gmail.com.