Надышоў час браць адказнасць за будучыню краіны на сябе

Сцяпан Святлоў звярнуўся да прысутных на плошчы Свабоды.

Папулярны блогер Беларусі Сцяпан Святлоў (NEXTA), аўтар фільма «Лукашэнка. Крымінальныя матэрыялы», які набраў больш за 1,5 мільёнаў праглядаў на youtube.com і блізу 600 тысяч у іншых сацыяльных сетках, праводзіць сустрэчу падпісчыкаў у Менску. Падчас сустрэчы ён звярнуўся да прысутных па відэасувязі.

- Яны казалі, што я не прыйду. Але, як бачыце, сёння я з вамі! Для таго, каб сказаць усім вам вялікі дзякуй! Сёння вы паказалі, што існуяце не толькі ў інтэрнэце і з вамі трэба лічыцца. Сёння вы паказалі, што напраўду баяцца няма чаго! Бо за намі - праўда! Баяцца павінны тыя, за кім хлусня. І гэта толькі пачатак.

Наперадзе - цяжкая і карпатлівая праца. Але важна, што мы ўжо на правільным шляху. Што вы - ведаеце, чаго хочаце. Ведаеце, #чтодальше. Дзякуй за вашы ідэі, думкі, каментары. Іх чуем не толькі мы, блогеры, але і тыя, хто цяпер называе сябе «афіцыйнымі ўладамі». Памятаеце пра гэта. Памятаеце і далей не заставайцеся пасіўным і абыякавымі. Надышоў час браць адказнасць за будучыню краіны на сябе.

Сёння вы прапануеце свае ідэі. Асабіста я прапаную заўсёды пачынаць з сябе. Уключацца ў любую актыўную працу. Фіксаваць беззаконне, дамагацца выканання сваіх законных правоў, распавядаць пра тое, што напраўду адбываецца, сваім знаёмым, сябрам, суседзям, бабулям і дзядулям, сабакам і коткам.

І ўсё роўна, хто вы - студэнт, рабочы, спартовец або чыноўнік. Няважна, на якой мове вы размаўляеце. Важная, што мы - усе разам! Мы, беларусы. І нас, як спяваў Лявон Вольскі, мільёны, нас да халеры!

Так застаёмся ж на сувязі! Застаёмся разам! Жыве Беларусь!», - заявіў NEXTA.