Зеркаль: РФ упершыню ў гісторыі адкажа за парушэнне міжнароднага права
12- 8.11.2019, 20:49
- 19,301
Са слоў намесніцы кіраўніка МЗС Украіны, РФ будзе адказваць па ўсіх абвінавачваннях, уключаючы МН17.
Расейская Федэрацыя ўпершыню ў гісторыі адкажа за парушэнне міжнароднага права. Пра гэта на брыфінгу распавяла намесніца кіраўніка Міністэрства замежных спраў Украіны Алена Зеркаль, паведамляе РБК-Украина.
З яе слоў, суд павінен правесці аналіз колькі спатрэбіцца Расеі для падрыхтоўкі іх мемарандума.
«Далей будзе разгляд па сутнасці. Суд павінен правесці аналіз таго, колькі спатрэбіцца Расеі для падрыхтоўкі іх мемарандума, і прыняць пратакольны загад. Пасля гэтага Расея павінна будзе падаць свой мемарандум, у якім выкладзе сваю пазіцыю па ўсіх пунктах, па якіх Украіна дала факты парушэння канвенцый. І пасля гэтага пачнуцца слуханні», - заявіла Зеркаль.
Таксама яна адзначыла, РФ упершыню будзе адказваць за парушэнне міжнароднага права.
«Расея будзе ўпершыню адказваць за парушэнне міжнароднага права і парушэнне правоў чалавека. Гэта ўпершыню ў гісторыі, калі будзе адказваць Расея... па ўсіх нашых абвінавачваннях, уключаючы MH17», - заявіла намесніца кіраўніка МЗС Украіны.