На прэзідэнцкіх выбарах украінцаў чакае рэкордна доўгі бюлетэнь

У даўжыню ён дасягне аднаго метра і 15 сантыметраў.

На прэзідэнцкіх выбарах 31 сакавіка на выбарчых участках украінцы атрымаюць рэкордна вялікія бюлетэні - у даўжыню яны дасягнуць аднаго метра і 15 сантыметраў. Да гэтага найбуйнейшым бюлетэнем e гісторыі прэзідэнцкіх гонак быў аркуш даўжынёй 67 сантыметраў у далёкім 2004 годзе, паведамляе unian.net.

Пра гэта гаворыцца ў сюжэце "Сніданку з 1+1". Выбарцы, якім мы паказалі будучы бюлетэнь, шакаваныя яго даўжынёй - кажуць, завялікі. Некаторыя проста не верылі, што бюлетэнь будзе такім велізарным.

Колькасць ахвотных ісці ў прэзідэнты здзівіла не толькі шараговых грамадзян. Уражаны нават кіраўнік інстытута сусветнай палітыкі Віктар Шлінчак.

"Ёсць у спісе людзі, прозвішчы якіх мне, нягледзячы на тое, што я больш за 20 гадоў у палітычнай журналістыцы, не гавораць абсалютна ні пра што. Тым не менш, многія з іх жадаюць заявіць пра сябе", - распавядае ён.

Бюлетэнь даўжынёй 115 сантыметраў - добрая нязручнасць для выбарцаў. Перш за ўсё, важна не пераблытаць радкі і прагаласаваць менавіта за свайго выбранніка. Калі памыліліся, не хвалюйцеся. Ваш голас яшчэ можна выратаваць. Проста абмяняйце бюлетэнь на новы у чальца выбарчай камісіі.

А далей - крок другі - змясціць палатно ў скрыню, не пашкодзіўшы. Пашкоджаныя бюлетэні могуць не ўлічыць пры падліку галасоў. Таму ўжо цяпер варта падумаць пра спосаб, якім вы будзеце складаць бюлетэнь, каб ён змясціўся ў скрыню. Да 8 сакавіка кандыдаты змогуць зняцца з выбараў і забраць 2,5 мільёна грыўняў закладу. Тады ёсць шанец, што выбарчы бюлетэнь стане крыху карацейшы.