Кіраўнік Еўрапейскай рады дапусціў перанос тэрмінаў Brexit
- 14.03.2019, 16:56
- 6,466
Дональд Туск мае намер прасіць краіны Еўразвязу пачаць працэс падаўжэння тэрмінаў выхаду Вялікай Брытаніі.
Прэзідэнт Еўрапейскай Рады Дональд Туск дапускае, што Вялікая Брытанія можа падоўжыць тэрміны выхаду з Еўразвязу. Пра гэта ён напісаў у Twitter 14 сакавіка, піша «Гордон».
«Падчас маіх кансультацый перад пасяджэннем Еўрапейскай Рады я звярнуся да 27 краінаў - чальцоў ЕЗ з мэтай пачаць працэс значнага падаўжэння [тэрмінаў Brexit], калі Злучанае Каралеўства палічыць неабходным пераасэнсаваць сваю стратэгію аб Brexit і даможацца кансенсусу ў гэтым пытанні», - заявіў палітык.
Наступны саміт ЕЗ пройдзе 21-22 сакавіка.
During my consultations ahead of #EUCO, I will appeal to the EU27 to be open to a long extension if the UK finds it necessary to rethink its #Brexit strategy and build consensus around it.
— Donald Tusk (@eucopresident) 14 марта 2019 г.
