Фотафакт: У Магілёве камунальнікі заткнулі трэснуты кран трэскамі

Як табе такое, Ілон Маск?

Дзіўны фотафакт, гатовы шаблон для шматлікіх мемаў «Як табе такое, Ілон Маск?» і «Пазнай краіну праз фота», апублікаваў у супольнасці «Магілёў Real» Аляксей Сакалоў, піша mogilev.online.

Работнікі ЖЭУ-5 заткнулі кран, які даваў цечу ў сутарэнні аднаго з дамоў, трэскамі. Гэтаму рамонце папярэднічалі паўгода «зваротаў, хаджэнняў і званкоў», сцвярджае Магілёвец, які апублікаваў фота. Увесь гэты час вада з агульнага стаяка давала цечу ў склеп.

«Потым будуць шукаць вінаватых за перарасход на агульным лічыльніку. Добра калі б цеча знікла пасля такога рамонту, але не, напэўна, трэсак не выстарчыла», - каментуе аўтар фота.

Рэакцыя магілёўцаў:

«Звычайны такая... муфта».

«Поўны Нурсултан».

«Пазнай краіну праз фота».

«Трэба пусціць у масавую вытворчасць».