Мэй правяла тэрміновую нараду праз магчымую «змову» ва ўрадзе

У загараднай рэзідэнцыі прэм'ер-міністаркі сабраліся прыхільнікі як «жорсткага», так і «мяккага» варыянтаў выхаду з ЕЗ.

Прэм'ер-міністарка Вялікабрытаніі Тэрэза Мэй сабрала тэрміновую крызісную нараду чальцоў кіруючай Кансэрватыўнай партыі ў загараднай рэзідэнцыі Чэкерс праз паведамленні сродкаў масавай інфармацыі аб маштабнай «змове ва ўрадзе», мэтай якога з'яўляецца яе сыход з пасады прэм'ер-міністаркі, паведамляе Sky News.

У нарадзе бралі ўдзел міністры і дэпутаты ўрада - фактычны намеснік Мэй - Дэвід Лідынгтан, міністр навакольнага асяроддзя Майкл Гаў, міністр ў пытаннях Brexit Стывен Барклай, дэпутат Джуліян Льюіс і старшыня Кансерватыўнай партыі Брэндан Льюіс.

Крыло прыхільнікаў «жорсткага варыянту» Brexit (выхад з Еўрапейскага звязу без пагаднення) прадстаўлялі былы міністр замежных спраў Барыс Джонсан, экс-міністр у пытаннях Brexit Дамінік Рааб, дэпутаты Іен Дункан Сміт, Джэйкаб Рыс-Мог і Даміян Грын, даўні і паслядоўны хаўруснік Мэй.

Вынікі нарады пакуль невядомыя.

24 сакавіка газета The Sunday Times паведаміла, што ва ўрадзе Вялікабрытаніі ўзнікла маштабная змова, мэтай якога з'яўляецца адстаўка прэм'ер-міністаркі Мэй. Адная з крыніц заявіла, што для Мэй «блізкі канец» і прэм'ерка сыдзе ў адстаўку праз 10 дзён.

Пастанову аб выхадзе з ЕЗ Вялікабрытанія прыняла падчас рэферэндуму ў чэрвені 2016 года. Тады 51,9% брытанцаў прагаласавалі за выхад са звязу.

У лістападзе 2018 года Еўразвяз і Вялікабрытанія ўзгаднілі на ўзроўні перагаворшчыкаў 26-старонкавую дэкларацыю аб будучых стасунках. 25 лістапада 2018 года на саміце Еўразвязу ўхвалілі пагадненне аб Brexit. Дату прызначылі на 29 сакавіка 2019 года, аднак дакумент так і не быў ратыфікаваны, бо ў студзені брытанскі парламент не падтрымаў урадавы праект пагаднення аб Brexit. У сакавіку Палата абшчын паўторна не ўхваліла праект пагаднення.

13 сакавіка Палата абшчын прагаласавала супраць выхаду з Еўразвязу без пагаднення, адмовіўшыся ад схемы, калі абодва бакі вырашаюць спрэчныя пытанні па меры іх узнікнення.

20 сакавіка прэм'ер-міністарка Вялікабрытаніі Тэрэза Мэй накіравала ў ЕЗ просьбу аб адтэрміноўцы Brexit да 30 чэрвеня. Брусэль пагадзіўся даць адтэрміноўку толькі да 22 траўня, калі брытанскі парламент падтрымае ўгоду. У адваротным выпадку адтэрміноўку пададуць да 12 красавіка.