Зяленскі звярнуўся да Парашэнкі ў новым відэа

Кандыдат у прэзідэнты Украіны заклікаў дзейнага прэзідэнта заняцца справамі.

Кандыдат у прэзідэнты Уладзімір Зяленскі мяркуе, што прэзідэнт Украіны Пятро Парашэнка павінен заняцца выкананнем сваіх абавязкаў, а не бегаць за ім па тэлеканалах, займацца здачай аналізаў і выступаць на стадыёне, піша «Новое время».

Пра гэта Зяленскі заявіў у відэазвароце, размешчаным у Facebook.

«Хачу звярнуцца да чалавека, які займае вельмі сур'ёзную пасаду - пасаду прэзідэнта Украіны. Спадар Парашэнка, я вельмі хачу, каб вы ад «я пачуў» перайшлі да «я зраблю». А менавіта - пасадзілі забойцаў Кацярыны Гандзюк, пасадзілі Свінарчукоў і ўспомнілі пра тое, што вы забыліся пра нашых палонных маракоў, якія цяпер сядзяць за кратамі і чакаюць, пакуль вы набегаецеся па каналах у пошуках Зяленскага, наздаяце аналізаў усім і накрычыцеся на стадыёне», - заявіў Зяленскі.

Са слоў Зяленскага, «шоўмэн можа стаць прэзідэнтам, а прэзідэнт, які стаў шоўмэнам, гэта крыўдна».