Украінскія паліцэйскія атрымаюць новую зброю
14- 15.05.2019, 19:01
- 17,114
Украінскія паліцэйскія замест аўтаматаў Калашнікава атрымаюць нямецкія пісталеты-кулямёты «МР-5».
Нацыянальная паліцыя Украіны адмаўляецца ад выкарыстання аўтамата Калашнікава на карысць не баявой зброі. Пра гэта паведаміла прэс-служба ведамства 15 траўня.
«Усе нарады паліцыі, якія непасрэдна прыцягваюцца да мерапрыемстваў па забеспячэнню грамадскай бяспекі і правапарадку, будуць абсталяваны пісталетамі-кулямётамі «МР-5», - гаворыцца ў паведамленні.
Кіраўнік Нацыянальнай паліцыі Украіны Сяргей Князеў адзначыў, што задача паліцыі - праваахоўная, у адрозненні ад задач Узброеных сіл Украіны.
«Аўтамат Калашнікава - гэта зброя, якая патрэбная жаўнеру ў войску. Ён прызначаны, каб знішчаць злачынцу. Новы тып зброі мае прэвентыўны характар. Паліцэйскі, які выкарыстоўвае зброю ў якасці крайняй меры, павінен спыніць правапарушальніка, даць яму права на жыццё, а потым прыцягнуць яго да крымінальнай адказнасці», - сказаў кіраўнік Нацпаліцыі.
Ён адзначыў, што пісталеты-кулямёты «МР-5» выкарыстоўвае паліцыя ў многіх краінах, між іншым - у Нямеччыне, Аўстрыі, Вялікабрытаніі, Францыі, Італіі і ЗША.
Са слоў Князева, нарады паліцыі будуць забяспечаны новай зброяй найбліжэйшым часам.
Пісталет-кулямёт MP5 распрацавала нямецкая фірма Heckler&Koch у 1966 годзе. Мадэль мае некалькі мадыфікацый. Зброя абсталяваная прыкладам, што складваецца і выкарыстоўвае патроны 9 × 19 мм. Хуткастрэльнасць - 800 або 900 стрэлаў у хвіліну. MP5 можа быць даўкамплектаваны ліхтаром, прыцэлам, лазерным целауказальнікам і глушыцелем.
У сакавіку 2019 года Князеў заяўляў, што Нацпаліцыя мае намер на 90% адмовіцца ад традыцыйнага Калашнікава, пісталетаў Макарава і ТТ, замяніўшы іх сучаснай еўрапейскай зброяй.