29 сакавiка 2024, Пятніца, 15:20
Падтрымайце
сайт
Сім сім,
Хартыя 97!
Рубрыкі

Пуцін заявіў пра закупку трох палкоў Су-57 дзякуючы зніжцы ад заводаў

44
Пуцін заявіў пра закупку трох палкоў Су-57 дзякуючы зніжцы ад заводаў
УЛАДЗІМІР ПУЦІН

Прэзідэнт РФ даручыў пачаць абнаўленне ВПС Расеі.

Да 2028 года ў Расеі павінны з'явіцца не менш за тры авіяпалкі, асноўнай тэхнікай у якіх будуць знішчальнікі пятага пакалення Су-57. Пра гэта заявіў прэзідэнт РФ Уладзімір Пуцін на вайсковай нарадзе ў Сочы, паведамляе РБК.

Таксама кіраўнік дзяржавы даручыў мадэрнізаваць парк гелікаптэраў армейскай авіяцыі. Да 2028 года ў яе складзе павінны з'явіцца не менш за 100 сучасных гелікаптэраў Мі-28НМ. Пуцін высока ацаніў якасць новай тэхнікі. «На завяршальным этапе дзяржаўных выпрабаванняў знаходзяцца шматмэтавыя знішчальнікі Су-35С і Су-57. Гэтыя машыны валодаюць унікальнымі характарыстыкамі і з'яўляюцца найлепшымі ў свеце», - сказаў ён.

Раней у рамках дзяржаўнай праграмы закупкі ўзбраенняў планавалася паставіць у войска 16 Су-57 у тэрмін да 2027 года. Аднак вайскоўцам атрымалася дамовіцца з заводамі вытворцамі пра зніжку. «У выніку таго, што мы дамовіліся з прамысловасцю, прамысловасць фактычна на 20% знізіла кошт лятальных апаратаў і ўзбраенняў - у нас цяпер будзе магчымасць закупіць значна больш баявых машын гэтага класа. Гэта сведчыць пра тое, што мы закупім за той жа перыяд часу без павелічэння кошту 76 такіх самалётаў», - расказаў кіраўнік дзяржавы.

Напярэдадні, 14 траўня, падчас візіту Пуціна ў Астраханскую вобласць яго самалёт суправаджала шасцёрка Су-57. У Астраханскай вобласці прэзідэнт наведаў лётна-выпрабавальны цэнтр імя Чкалава, які знаходзіцца ў Ахтубінску, і правёў нараду па сацыяльна-эканамічнаму развіццю рэгіёну. У лётным цэнтры Пуціну паказалі знішчальнік МіГ-31, абсталяваны гіпергукавай ракетай «Кінжал», а таксама перспектыўныя беспілотнікі і іншую найноўшую авіяцыйную тэхніку.

Су-57 - першы расейскі знішчальнік пятага пакалення. Яго распрацавала Аб'яднанае канструктарскае бюро ім. П.В.Сухога. Дакладныя характарыстыкі самалёта не раскрываюцца. Вядома, што ён можа несці ўзбраенне класа «паветра - паветра» і «паветра - зямля». З лютага 2018 года знішчальнікі Су-57 праходзілі выпрабаванні ў баявых умовах у Сірыі.

Напісаць каментар 44

Таксама сачыце за акаўнтамі Charter97.org у сацыяльных сетках