Разумкоў узначаліць палітычную сілу «Слуга народа»
- 22.05.2019, 16:52
- 8,333
Пра гэта паведамляюць у Адміністрацыі прэзідэнта Украіны.
Дарадца прэзідэнта Украіны ў палітычных пытаннях Дзмітрый Разумкоў узначаліць палітычную партыю «Слуга народа». Пра гэта паведамляе РБК-Украіна са спасылкай на Адміністрацыю прэзідэнта.
Дарэчы, са слоў намесніка кіраўніка Адміністрацыі прэзідэнта Украіны Руслана Рабашапкі, кандыдатура Разумкова з'яўляецца асноўнай.
«Мне здаецца, што Разумкоў будзе, уласна, лідарам палітычнай сілы», - заявіў Рабашапка.
Дадамо, што Дзмітрый Разумкоў з'яўляецца паліттэхнолагам і быў адным з галоўных палітычных кансультантаў у прэзідэнцкай кампаніі 2019 года ў камандзе Уладзіміра Зяленскага.