Лукашэнка: Народ не памірае ад любові да нас

Дыктатар прызнаў, што беларусы стаміліся ад дзейнай хамскай улады.

Пра гэта ён заявіў сёння падчас прызначэння кіраўнікоў мясцовых органаў улады, піша БелТА.

«Шмат разоў казаў: кампартыі няма, мужыкі. Мы за ўсё адказваем, то бок вы. І дзве перадвыбарчыя кампаніі на вашых плячах. Калі ласка, забяспечце годнае правядзенне гэтых кампаній, каб камар носа не падтачыў. У нас для гэтага ёсць усё. Мы не такія ўжо і вялікія. І я разумею, і вы разумееце, што ўжо не памірае народ ад любові да нас.

Але народ выдатна разумее, што цяпер дзейная ў Беларусі ўлада - гэта адзіная нейкая ўнікальная з'ява, не толькі на постсавецкай прасторы, дзе мы ўсе павернутыя да народа. Што мы людзям не зрабілі, каб яны нас не падтрымлівалі? Усё зрабілі», - заявіў Лукашэнка.

У той жа час дыктатар падкрэсліў, што дабрабыт чалавека залежыць не толькі ад улады, але і ад жадання кожнага грамадзяніна працаваць дзеля годнага жыцця.

«Давайце хоць пяцьдзесят на пяцьдзесят: 50% за намі - утрыманне вашай сям'і і вас, а 50% - самі варушыцеся. Але трэба адкрыта і шчыра пра гэта казаць, - падкрэсліў дыктатар. - І падышоўшы да гэтых кампаній, іх трэба годна правесці. Не дапускайце хамства ў дачыненні да людзей, бо шмат скаргаў. Не трэба іх адштурхоўваць. Іншага народа няма, і не такі ўжо дрэнны ў нас народ. Трэба з ім працаваць».