29 сакавiка 2024, Пятніца, 17:37
Падтрымайце
сайт
Сім сім,
Хартыя 97!
Рубрыкі

Чаму беларусы так ставяцца да Лукашэнкі

16
Чаму беларусы так ставяцца да Лукашэнкі

Дыктатар прызнаў, што «народ не памірае ад любові да нас».

Кіраўніцтва краіны ведае, што страчвае давер насельніцтва, піша «Заўтра тваёй краіны».

- Я разумею, і вы разумееце, што ўжо не памірае народ ад любові да нас, - прызнаў Аляксандр Лукашэнка на сустрэчы з новымі кіраўнікамі мясцовых органаў улады.

Чаму беларусы так ставяцца да Лукашэнкі?

Робіць з Беларусі рэгіянальны калгас

Актывіст прафзвязу радыёэлектроннай прамысловасці Андрэй Стрыжак мяркуе, што кіраўнікі сядзяць у «вежы са слановай косткі».

У той жа час палкай прымусіць працаваць эканоміку больш не атрымліваецца.

- Мы - частка сусветнай эканомікі і сусветных тэндэнцый. Відавочна, што яны на нас адбіваюцца. І адгарадзіць айчынную эканоміку ў рэгіянальны калгас не атрымаецца. Каб развівацца, трэба прыслухоўвацца да меркавання экспэртаў, - мяркуе Андрэй Стрыжак.

Дзе сапраўдныя выбары?

Першае і галоўнае патрабаванне, на думку старшыні праваабарончага цэнтру «Вясна» Алеся Бяляцкага, - гэта правядзенне свабодных і сумленных выбараў. Людзі дзесяцігоддзямі назіраюць нязменнасць і застой улады, праз гэта ў грамадзян практычна няма да яе даверу.

Але ўлада ўсё яшчэ не гатовая да змен.

− У гэтым годзе адбудуцца парламенцкія выбары, у наступным – прэзідэнцкія. Але выканаўчыя ўлады, якія фальсіфікавалі выбары папярэднія разы, нічога не збіраюцца мяняць у практыцы правядзення выбарчай кампаніі ці ў выбарчым заканадаўстве, − кажа праваабаронца.

− Гісторыя неаднаразова пацвярджала, што такая стагнацыя не можа цягнуцца вечна, і нарэшце адбываюцца сур’ёзныя змены, − кажа ён.

Беззаконне ў праваахоўнай і судовай сістэме

− У нас выканаўчая ўлада падмяла пад сябе і заканадаўчую ўладу, і правасуддзе. Таму няма ні справядлівага правасуддзя, ні нармальнай заканадаўчай улады. Гэта не схаваць – людзі ўсё бачаць. Пакуль што яны маўчаць, але надыдзе час, калі яны скажуць сваё слова,- мяркуе Алесь Бяляцкі.

Падзенне даходаў

- Калі дзейнічаў нафтавы афшор, Лукашэнка ўздымаў заробкі, - адзначае палітычны аглядальнік Аляксандр Класкоўскі. - Але гэты пралаз з шэрагу прычын знік, і ўладзе нічога не застаецца, як папраўляць свой імідж піяраўскімі намаганнямі.

- Калі Лукашэнка кажа, што народ не памірае ад любові, магчыма, ён ускосна выдае, што бачыць не радуюць яго паказчыкі закрытых сацыялагічных апытанняў, і што яго рэйтынг зусім не выдатны, - мяркуе палітолаг.

Але чым бліжэй да выбараў, тым усё больш напружаным будзе становішча, бо ўлада спрабуе развязаць дзве ўзаемавыключальныя задачы: з аднаго боку, здавацца памяркоўнай і лаяльнай, з другога - усялякім коштам утрымаць «стабільнасць» і не дапусціць грамадска-палітычнай турбулентнасці. Так што цудаў лібералізацыі, «мяккасці» сілавікоў і чыноўнікаў у дачыненні да людзей чакаць не даводзіцца, мяркуе Аляксандр Класкоўскі.

Напісаць каментар 16

Таксама сачыце за акаўнтамі Charter97.org у сацыяльных сетках