19 лiпеня 2019, пт 18:13

бел рус eng

Валерый Карбалевіч: Інтэграцыйныя перамовы паміж Беларуссю і РФ нагадваюць Сярэднявечча 12

9:46 12.06.2019 — Палітыка

Інфармацыя трымаецца ў таямніцы ад грамадзян.

Апошні тыдзень быў багатыя на заявы расейскіх і беларускіх чыноўнікаў аб інтэграцыі дзвюх дзяржаў. Спачатку кіраўнік Мінэканамразвіцця РФ Максім Арэшкін пасля сустрэчы з беларускім калегам Дзмітрыем Крутым загаварыў пра тое, што стараны «абмяркоўваюць магчымасць стварэння адзінай валюты ў рамках саюзнай дамовы».

Следам за ім адзначыўся беларускі амбасадар у Расеі Уладзімір Сямашка, які заявіў, што «Беларусь і Расея павінны выйсці на новы этап інтэграцыі».

І, нарэшце, Уладзімір Пуцін, «супакоіць» беларусаў сцвярджэннем, што «сёння няма ніякіх падстаў для дзяржаўнага аб'яднання». Прагучала гэта так, што хвалявацца нам трэба з патроенай сілай.

Гучныя заявы «Салідарнасці» пракаментаваў палітолаг Валер Карбалевіч:

- Прычына для хвалявання ёсць. Яна з'явілася ў мінулым годзе, калі стала зразумела, што Расея сур'ёзна імкнецца да аб'яднання з Беларуссю. Цяпер мы бачым пэўныя інфармацыйныя рыскі, якія вымалёўваюць гэтую карціну.

Ці ёсць шанцы ў Масквы менавіта цяпер прасунуць пытанне адзінай валюты? Палітолаг звяртае ўвагу на тое, што перамовы бакоў праходзяць у таямніцы:

- Сітуацыя нагадвае Сярэднявечча, калі князі і каралі дзяліліся і аб'ядноўваліся сваімі княствамі і каралеўствамі пад маўчанне сваіх падданых. Праблема ў тым, што грамадства - і беларускае, і расейскія - ніяк не ўдзельнічае ў гэтым працэсе.

Суразмоўца «Салідарнасці» уважае за патрэбнае пачакаць больш канкрэтных заяў афіцыйных асоб, праграмы дзеянняў.

Словы беларускага пасла Валерый Карбалевіч інтэрпрэтаваў наступным чынам:

- Сапраўды, тая рыторыка, якую выкарыстаў Уладзімір Сямашка, характэрная для расейскіх уладаў. Беларускія афіцыйныя асобы дагэтуль ухіляліся ад такой рыторыкі. Я магу выказаць гіпотэзу: Сямашка - гаспадарнік, ён не вельмі дасведчаны ў такіх дыпламатычных пытаннях. Не вядома, хто пісаў яму гэтыя словы, ён іх проста прачытаў. Цяжка на аснове ягонага выказванняў рабіць высновы, што за гэтымі словамі стаіць пазіцыя беларускага кіраўніцтва.

Напісаць каментар (12)